ປາກເຊຄລັບ

ສູນແລກປ່ຽນຄວາມຮູ້
 
HomeHome  PortalPortal  CalendarCalendar  FAQFAQ  SearchSearch  MemberlistMemberlist  UsergroupsUsergroups  RegisterRegister  Log in  

Share | 
 

 ຕຳນານຮັກສາມເສົ້າຂອງນາງ ມະໂຣງ

Go down 
AuthorMessage
sadui



Posts : 45
Join date : 08/09/2010
Age : 30
Location : pakse

PostSubject: ຕຳນານຮັກສາມເສົ້າຂອງນາງ ມະໂຣງ   Sun Sep 12, 2010 2:45 pm

ທ້າວ ບາຈຽງ ແລະ ນາງ ມະໂຣງ ຄືຕຳນານຮັກສາມເສົ້າປະຈຳແຂວງຈຳປາສັກທີ່ເລົ່າຂານກັນມາແຕ່ດົນນານ. ກ່ອນດວງຕາເວັນຈະຕົກ ຢາກຊວນເຈົ້າມານັ່ງຄີມຝັ່ງຂອງ, ສຳພັດສາຍນະທີທີ່ລ່ອງໄຫຼເປັນນິລັນດອນ, ສາຍລົມອ່ອນໆເໜືອທ້ອງຟ້າ ລອຍໄລ່ຈາກພູຜາສູ່ວາທີ ບອກເລົ່າຕຳນານຮັກອັນແສນຂົມ, ແຕ່ກ່ອນມີໜຸ່ມລາວລຸ່ມຄົນໜຶ່ງອອກມາລ່າສັດ ແລ້ວເກີດພາດທ່າເສຍທີ່ກຳລັງຢູ່ໃນອັນຕະລາຍ ໂຊກດີມີໜຸ່ມລາວເທິງມາຊ່ວຍໄວ້ໄດ້ທັນ, ສອງໜຸ່ມຕົກລົງກັນໄວ້ວ່າ: ຖ້າພາຍພາກໜ້າສອງຝ່າຍຫາກມີລູກຊາຍ ຫຼື ລູກສາວ
ກໍ່ຈະໃຫ້ຜູກສ່ຽວ ເປັນສະຫາຍຮັກກັນ ແຕ່ຖ້າຝ່າຍ1 ໄດ້ລູກຊາຍ, ຝ່າຍ1ໄດ້ລູກສາວ ກໍ່ຈະໃຫ້ມາແຕ່ງງານກິນດອງເປັນທອງແຜ່ນດຽວກັນ.
ວັນເວລາຜ່ານໄປ ໜຸ່ມລາວລຸ່ມໄດ້ມີລູກສາວທີ່ແສນສວຍງາມ ຊື່: ນາງ ມະໂຣງ, ຝ່າຍໜຸ່ມລາວເທິງໄດ້ລູກຊາຍກຳຍຳລຳສັນ, ໜ້າຕາບໍ່ຫຼໍ່ ຊື່: ທ້າວບາຈຽງ, ແຕ່ວາສະໜາທັງສອງຈະບໍ່ໄດ້ຄອງຄູ່ ເພາະ ນາງມະໂຣງ ມີຄົນຮັກຢູ່ແລ້ວຊື່ ທ້າວຈຳປາສັກ ເຊິ່ງເປັນໜຸ່ມລາວລຸ່ມດ້ວຍກັນ ທັງຫຼໍ່ ທັງລວຍ, ເມື່ອມີຄົນຮັກແສນດີຢູ່ແລ້ວ ນາງ ມະໂຣງ ຈິ່ງທຳໃຈ ບໍ່ໄດ້ວ່າຕ້ອງອອກເຮືອນໄປກັບທ້າວບາຈຽງຕາມຄຳສັນຍາຂອງຄົນລຸ້ນພໍ່
ທ້າວ ຈຳປາສັກຮູ້ເລື່ອງກໍ່ຊວນໃຫ້ນາງມະໂຣງ ໂຕນໜີ, ຫຼັງຈາກນາງມະໂຣງໄປນອນຄິດ ຈົນເກີດເປັນເຂົານາງນອນ(ຕັ້ງຢູ່ເທິງທາງຜ່ານຖະໜົນທີ່ມຸ້ງໜ້າເຂົ້າສູ່ເມືອງປາກເຊ) ໃນທີ່ສຸດທັງຄູ່ກໍ່ຕັດສິນໃຈໜີຕາມກັນ, ຂະນະນັ້ນທ້າວບາຈຽງກຳລັງຍົກຂັນມາກມາສູ່ຂໍກໍ່ຮູ້ເລື່ອງ ກໍ່ເຈັບຊ້ຳນ້ຳໃຈເຫຼືອຫຼາຍ ຈິ່ງເທເຄື່ອງຂັນຫມາກ ໂດຍສະເພາະຕົ້ມໄກ່ ແລະ ເຫຼົ້າ ຖີ້ມທັງໝົດ ກ່ອນຈະຂ້າຕົວຕາຍ ທ້າວບາຈຽງສາບແຊ່ງ: ບໍ່ໃຫ້ທ້າວຈຳປາສັກ ແລະ ນາງ ມະໂຣງ ສົມຫວັງ
ໃນຄວາມຮັກ, ຄຳສາບແຊ່ງຂອງທ້າວບາຈຽງຮຸນແຮງຫຼາຍ ທ້າວຈຳປາສັກ ກັບ ນາງ ມະໂຣງ ເສຍຊີວິດຊ່ວງໜີຕາມກັນ ກາງມະຫານ ທີ່ ສີ່ພັນດອນ.
ໂຊກຄະນາດຕະກຳຄວາມຮັກເລື່ອງນີ້ຖີ້ມຮ່ອງຮອຍໄວ້ເປັນຊື່ສະຖານທີ່ຕ່າງໆ ໃນເມືອງປາກເຊ ໂດຍສວານຫຼາຍຈະເປັນພູ ບໍ່ວ່າຈະເປັນພູມະໂຣງ(ນາງມະໂຣງນອນຄິດ), ພູບາຈຽງ(ທ້າວບາຈຽງນອນຕາຍ), ພູກອງໄກ່(ເທໄກ່ຖີ້ມ), ພູສ່າເຫຼົ້າ
(ເທເຫຼົ້າຖີ້ມ) ແລະ ນ້ຳຕົກແສນສວຍງາມ ຊື່ ຕາດຜາສວ້ມ (ເປັນຫ້ອງຂອງຄູ່ບ່າວສາວທີ່ທ້າວບາຈຽງສ້າງໄວ້ໃຫ້ນາງມະໂຣງ) ແຕ່ຈາກຕອນນັ້ນມາຕອນນີ້ ບໍ່ໄດ້ມີຮ່ອງຮອຍຂອງນາງ, ທ້າວບາຈຽງ ນອນຖ້າທີ່ຜາສວ້ມ ແຕ່ນາງມະໂຣງ ລັບຫາຍໄປກັບມະຫານະທີ່ສີ່ພັນດອນ ຊົ່ວນິລັນດອນ
PakseCluB bounce bounce Basketball Basketball


Back to top Go down
View user profile
 
ຕຳນານຮັກສາມເສົ້າຂອງນາງ ມະໂຣງ
Back to top 
Page 1 of 1

Permissions in this forum:You cannot reply to topics in this forum
ປາກເຊຄລັບ :: ສົນທະນາລວມ :: Chit Chat-
Jump to:  
Forumotion.com | © phpBB | Free forum support | Contact | Report an abuse | Create your own blog