ພະນະທ່ານ ຈູມມາລີ ໄຊຍະສອນ ກ່າວຄຳປາໃສໃນກອງປະຊຸມສຸດຍອດສະຫັດສະວັດດ້ານການພັດທະນາ

ປາກເຊຄລັບ

ສູນແລກປ່ຽນຄວາມຮູ້
 
HomePortalCalendarFAQSearchMemberlistUsergroupsRegisterLog in

Share | 
 

 ພະນະທ່ານ ຈູມມາລີ ໄຊຍະສອນ ກ່າວຄຳປາໃສໃນກອງປະຊຸມສຸດຍອດສະຫັດສະວັດດ້ານການພັດທະນາ

View previous topic View next topic Go down 
AuthorMessage
sadui



Posts : 45
Join date : 08/09/2010
Age : 28
Location : pakse

PostSubject: ພະນະທ່ານ ຈູມມາລີ ໄຊຍະສອນ ກ່າວຄຳປາໃສໃນກອງປະຊຸມສຸດຍອດສະຫັດສະວັດດ້ານການພັດທະນາ   Wed Sep 22, 2010 1:04 pm



ໃນຕອນແລງຂອງວັນທີ 20 ກັນຍາ 2010 ພະນະທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ ໄດ້ຂຶ້ນກ່າວຄຳປາໃສໃນກອງປະຊຸມສຸດຍອດສະຫັດ ສະວັດດ້ານການພັດທະນາ ເຊິ່ງຈັດຂຶ້ນແຕ່ວັນທີ 20-22 ກັນຍາ 2010 ຢູ່ສຳນັກງານໃຫຍ່ອົງການສະຫະປະຊາຊາດ ທີ່ນິວຢອກ ສະຫະລັດອາເມລິກາ.



ທ່ານປະທານປະເທດ ໄດ້ຕີລາຄາວ່າ ການຈັດຕັ້ງປະຕິບັດເປົ້າໝາຍສະຫັດສະວັດດ້ານການພັດທະນາໃນໂລກ ມີທ່ວງທ່າທີ່ດີ ແລະ ມີຄວາມຄືບໜ້າໃນລະດັບໃດໜຶ່ງ ແຕ່ ຖ້າທົບທວນຄືນຢ່າງລະອຽດໃນການຈັດຕັ້ງປະຕິບັດແຕ່ລະເປົ້າໝາຍຂອງແຕ່ລະປະເທດຍັງເຫັນວ່າມີຄວາມແຕກໂຕນກັນຫຼາຍພໍສົມຄວນ ຍິ່ງໄປກ່ວານີ້ ສິ່ງທ້າທາຍດັ່ງກ່າວ ຍິ່ງຈະທະວີຄູນຂຶ້ນໃນສະພາບການທີ່ໂລກປະເຊີນກັບວິກິດການໃນດ້ານຕ່າງໆຄື: ການປ່ຽນແປງດິນຟ້າອາກາດ ວິກິດການດ້ານເສດຖະກິດ ແລະ ການເງິນ ອັນໄດ້ກາຍ ເປັນປັດໄຈຕົ້ນຕໍທີ່ເປັນອຸປະສັກໃຫ້ແກ່ການຈັດຕັ້ງປະຕິບັດເປົ້າໝາຍສະຫັດສະວັດດ້ານການພັດທະນາ ທ່ານໄດ້ຢ້ຳວ່າ ພວກເຮົາຍັງມີເວລາພຽງແຕ່ 5 ປີເທົ່ານັ້ນທີ່ຈະພິສູດ ວ່າ ພວກເຮົາສາມາດປະຕິບັດຕາມຄຳໝັ້ນສັນຍາຂອງພວກເຮົາ ໃນການບັນລຸເປົ້າໝາຍທີ່ກ່າວມາຂ້າງເທິງນັ້ນ ໄດ້ ຫຼື ບໍ ສະນັ້ນ ໃນກອງປະຊຸມສຸດຍອດຄັ້ງນີ້ ພວກເຮົາ ຄວນປຶກສາຫາລືກັນ ແລະ ຍົກເອົາບົດຮຽນຂອງກັນ ແລະ ກັນຂຶ້ນມາສຶກສາ ເພື່ອແລກປ່ຽນ ແລະ ຮັບຮອງເອົາມາດຕະການຕົວຈິງ ເພື່ອນຳໄປຈັດຕັ້ງປະຕິບັດໃຫ້ໄດ້ ພາຍໃນ 5 ປີຕໍ່ໜ້ານີ້.



ພ້ອມດຽວກັນນີ້ ທ່ານປະທານປະເທດ ຍັງໄດ້ສະເໜີສະພາບຄວາມຄືບໜ້າຂອງການຈັດຕັ້ງປະຕິບັດເປົ້າໝາຍສະຫັດສະວັດດ້ານການພັດທະນາຢູ່ ສປປ ລາວ ເຊິ່ງໃນນີ້ ທ່ານໄດ້ຊີ້ໃຫ້ເຫັນວ່າ ໃນປີ 2003 ລັດຖະບານລາວ ໄດ້ຮັບຮອງເອົາຍຸດທະສາດເພື່ອການເຕີບໂຕ ແລະ ລຶບລ້າງຄວາມທຸກຍາກແຫ່ງຊາດ ເຊິ່ງໄດ້ເຊື່ອມສານເຂົ້າໃນ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VI (2006-2010) ຜ່ານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງຜ່ານໆມາເຫັນວ່າ ເສດຖະກິດ ໄດ້ຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງ ອັນເຮັດໃຫ້ ສປປ ລາວ ສາມາດປະສົບຜົນສຳເລັດໃນການບັນລຸເປົ້າໝາຍສະຫັດສະວັດດ້ານການພັດທະນາເປັນກ້າວໆມາ ໃນແຜນການ 5 ປີ ຄັ້ງທີ V (2001-2005) ອັດຕາສະເລ່ຍຂອງການເຕີບໂຕຂອງເສດຖະກິດ ແມ່ນຢູ່ໃນລະດັບ 6,2% ຕໍ່ປີ ແລະ ໃນແຜນການ 5 ປີ ຄັ້ງທີ VI ສຳ ລັບປີ 2006-2010 ຄາດວ່າຈະສາມາດບັນລຸໄດ້ການຂະຫຍາຍຕົວຂອງເສດຖະກິດ ສະເລ່ຍ 7% ຕໍ່ປີ ເຊິ່ງໄດ້ເປັນປັດໄຈອັນສຳຄັນເຮັດໃຫ້ອັກຕາຄວາມທຸກຍາກໃນທົ່ວ ປະເທດຫຼຸດລົງຈາກ 48% ໃນປີ 1990 ມາເປັນ 26% ໃນປີ 2009 ການພັດທະນາດ້ານວັດທະນະທຳ ແລະ ສັງຄົມກໍມີຄວາມຄືບໜ້າຢ່າງໜ້າພໍໃຈ ເຊັ່ນ: ອັດຕາສ່ວນ ຂອງເດັກນ້ອຍເຂົ້າໂຮງຮຽນຂັ້ນປະຖົມໄດ້ເພີ່ມຂຶ້ນຈາກ 58% ໃນປີ 1991 ມາເປັນ 84% ໃນປີ 2005 ແລະ ອັດຕາການຕາຍຂອງແມ່ຫຼຸດລົງຈາກ 650 ຄົນ ໃນປີ 1995 ມາເປັນ 405 ຄົນຕໍ່ແມ່ຍິງຖືພາ ແລະ ຫຼັງເກີດລູກ 100.000 ຄົນ ໃນປີ 2005 ແລະ ໃນໄລຍະດຽວກັນ ອັດຕາການຕາຍຂອງເດັກອ່ອນຫຼຸດລົງຈາກ 104 ຄົນ ມາເປັນ 70 ຄົນຕໍ່ເດັກເກີດມີຊີວິດ 1.000 ຄົນ ພ້ອມດຽວກັນນີ້ ບົດບາດຂອງແມ່ຍິງລາວໃນສັງຄົມໄດ້ຮັບການຍົກສູງຂຶ້ນ ສະມາຊິກສະພາແມ່ຍິງໃນສະພາແຫ່ງຊາດຂອງ ສປປ ລາວ ກວມເອົາເຖິງ 25% ຂອງສະມາຊິກສະພາທັງໝົດ ໝາກຜົນດັ່ງກ່າວນີ້ຈະບໍ່ສາມາດບັນລຸໄດ້ ຖ້າປັດສະຈາກນະໂຍບາຍ ແລະ ມາດຕະການທີ່ຖືກຕ້ອງ ແລະ ການຊ່ວຍເຫຼືອຮ່ວມມືຂອງວົງຄະນາຍາດສາກົນ.



ປະທານປະເທດ ຈູມມາລີ ໄຊຍະສອນ ຍັງໄດ້ກ່າວຕື່ມວ່າ ເຖິງແມ່ນວ່າຈະບັນລຸຜົນສຳເລັດຢ່າງຕໍ່ເນື່ອງກໍຕາມ ແຕ່ ສປປ ລາວ ກໍຍັງປະເຊີນກັບສິ່ງທ້າທາຍຫຼາຍຢ່າງໃນ ຖານະເປັນປະເທດດ້ອຍພັດທະນາ ທີ່ມີພື້ນຖານເສດຖະກິດອ່ອນໄຫວ ຜົນກະທົບຈາກວິກິດການດ້ານການເງິນ ແລະ ເສດຖະກິດຂອງໂລກ ກໍຄືຜົນກະທົບຈາກສະພາບ ໂລກຮ້ອນ ໄດ້ກາຍເປັນໜຶ່ງໃນປັດໄຈສຳຄັນທີ່ທ່ວງດຶງການບັນລຸເປົ້າໝາຍສະຫັດສະວັດດ້ານການພັດທະນາຂອງ ສປປ ລາວ ​ແລະ ສປປ ລາວ ຍັງຈະຕ້ອງໄດ້ສຸມເຫື່ອ ແຮງຂອງຕົນ ແລະ ເພີ່ມທະວີຄວາມພະຍາຍາມໃນການລະດົມທຶນທັງພາຍໃນ ແລະ ຕ່າງປະເທດເຂົ້າໃນບາງຂົງເຂດ ເປັນຕົ້ນແມ່ນການພັດທະນາຊັບພະຍາກອນມະນຸດ ການພັດທະນາຂະແໜງການສຶກສາ ການພັດທະນາໂຄງລ່າງ ໂດຍສະເພາະດ້ານຄົມມະນາຄົມ ບົດຮຽນໃນ 10 ປີ ແຫ່ງການຈັດຕັ້ງປະຕິບັດເປົ້າໝາຍສະຫັດສະວັດຢູ່ ສປປ ລາວ ນັ້ນ ກຳລັງແຮງສັງລວມພາຍໃນປະເທດເປັນສິ່ງສຳຄັນ ແລະ ຕັດສິນ ເພື່ອບັນລຸເປົ້າໝາຍສະຫັດສະວັດດ້ານການພັດທະນາ ແຕ່ຖ້າປັດສະຈາກການສະໜັບ ສະໜູນ ແລະ ຊ່ວຍເຫຼືອຈາກສາກົນແລ້ວ ສປປ ລາວ ຈະບໍ່ສາມາດຜ່ານຜ່າສິ່ງທ້າທາຍຕ່າງໆ ເພື່ອກ້າວໄປສຳເລັດເປົ້າໝາຍທີ່ໄດ້ວາງເອົາໄວ້.



ກອງປະຊຸມສຸດຍອດສະຫັດສະວັດດ້ານການພັດທະນາຄັ້ງນີ້ ແມ່ນຖືກຈັດຂຶ້ນເພື່ອທົບທວນຄືນການຈັດຕັ້ງປະຕິບັດຄຳໝາຍໝັ້ນກ່ຽວກັບການພັດທະນາ ແລະ ຫຼຸດຜ່ອນ ຄວາມທຸກຍາກຢູ່ໃນໂລກ ທີ່ຜູ້ນຳໂລກໄດ້ຕົກລົງນຳກັນໃນກອງປະຊຸມສຸດຍອດສະຫັດສະວັດທີ່ຈັດຂຶ້ນໃນປີ 2000 ກອງປະຊຸມຈະໄດ້ທົບທວນຄືນຜົນສຳເລັດ ແລະ ສິ່ງທ້າ ທາຍໃນການປະຕິບັດເປົ້າໝາຍສະຫັດສະວັດດ້ານການພັດທະນາ ແລະ ວາງມາດຕະການແນໃສ່ປະຕິບັດໃຫ້ສຳເລັດພາຍໃນປີ 2015.



ໃນກອງປະຊຸມຄັ້ງນີ້ ມີຄະນະຜູ້ແທນຈາກ 192 ປະເທດສະມາຊິກສະຫະປະຊາຊາດ ອົງການຈັດຕັ້ງສາກົນອື່ນໆ ເຊິ່ງໃນນີ້ມີປະມຸກລັດ ແລະ ຫົວໜ້າລັດຖະບານ ເຂົ້າ ຮ່ວມທັງໝົດ 140 ທ່ານ.
Back to top Go down
View user profile
 
ພະນະທ່ານ ຈູມມາລີ ໄຊຍະສອນ ກ່າວຄຳປາໃສໃນກອງປະຊຸມສຸດຍອດສະຫັດສະວັດດ້ານການພັດທະນາ
View previous topic View next topic Back to top 
Page 1 of 1

Permissions in this forum:You cannot reply to topics in this forum
ປາກເຊຄລັບ :: ສົນທະນາລວມ :: ຂ່າວພາຍໃນປະເທດ ແລະ ຕ່າງປະເທດ-
Jump to:  
Free forum | © phpBB | Free forum support | Contact | Report an abuse | Have a free blog with Sosblogs