ວິທະຍາ ໄລສຸກສະຫວັດ ກັບການພັດທະນາຊັບພະຍາກອນມະນຸດ

ປາກເຊຄລັບ

ສູນແລກປ່ຽນຄວາມຮູ້
 
HomePortalCalendarFAQSearchMemberlistUsergroupsRegisterLog in

Share | 
 

 ວິທະຍາ ໄລສຸກສະຫວັດ ກັບການພັດທະນາຊັບພະຍາກອນມະນຸດ

View previous topic View next topic Go down 
AuthorMessage
sadui



Posts : 45
Join date : 08/09/2010
Age : 28
Location : pakse

PostSubject: ວິທະຍາ ໄລສຸກສະຫວັດ ກັບການພັດທະນາຊັບພະຍາກອນມະນຸດ   Wed Sep 22, 2010 1:08 pm

ທ່ານ ຄຳ ພົມມະທາ ຜູ້ອຳນວຍການວິທະຍາໄລສຸກສະຫວັດ ໄດ້ກ່າວວ່າ: ພາຍຫຼັງມີການປັບປຸງ ລະບົບການສຶກສາຈາກ ມ6 ເລື່ອນຂຶ້ນເປັນ ມ7 ໃນເບື້ອງຕົ້ນ ຄິດວ່າມີຜົນກະທົບ ຕໍ່ກັບການຮັບເອົານັກສຶກສາໃໝ່ ຂອງທຸກສະຖາບັນການສຶກສາ ໂດຍສະເພາະແມ່ນ ວິທະຍາໄລພາກເອກະຊົນ ເນື່ອງຈາກວ່າໃນສົກຮຽນ 2009-2010 ນີ້ ບໍ່ມີນັກຮຽນຈົບ ມ.ປາຍ ຄາດວ່າຈຳນວນນັກສຶກສາຈະຫຼຸດລົງ.

ເພື່ອຊົດເຊີຍການຫຼຸດລົງຂອງນັກສຶກສາ ທາງວິທະຍາໄລຂອງພວກເຮົາ ກໍໄດ້ມີແຜນການຈະເປີດການຮຽນ-ການສອນ ຫຼັກສູດປະລິນຍາໂທ ໃນຂະແໜງບໍລິຫານທຸລະກິດ ເປີດຮັບນັກຮຽນຊັ້ນ ມ7 ເຂົ້າຮຽນປີກຽມ ເພື່ອກຽມເຂົ້າຮຽນປີທີໜຶ່ງ ຂອງສົກຮຽນ 2010-2011 ນອກນັ້ນ ເພື່ອຊົດເຊີຍໃຫ້ແກ່ການຫຼຸດລົງ ຂອງຈຳນວນນັກສຶກສາ ພວກຂ້າພະເຈົ້າ ມີແຜນເປີດຮັບພະນັກງານ ໃນອົງກອນຕ່າງໆ ທັງພາກລັດ ແລະ ເອກະຊົນ ຜູ້ທີ່ມີເງື່ອນໄຂເຂົ້າຮຽນ ເພື່ອຍົກລະດັບຊັ້ນສູງ ແລະ ປະລິນຍາຕີ.

ໂດຍປະຕິບັດຕາມ ແຜນຍຸດທະສາດການປະຕິຮູບ ລະບົບການສຶກສາແຫ່ງຊາດ 2010-2015 ແຜນຍຸດທະສາດ ການສ້າງບຸກຄະລາກອນ 2010-2015 ແລະ ແຜນພັດທະນາວຽກງານສຶກສາ ວິທະຍາໄລສຸກສະຫວັດ ຈິ່ງໄດ້ກຳນົດແຜນພັດທະນາ 5 ປີ ຄັ້ງທີ 1 ແຕ່ປີ 2009-2014 ໂດຍມີວິໃສທັດ ມຸ່ງຫວັງທີ່ຈະສ້າງ ຊັບພະຍາກອນມະນຸດຂອງຊາດ ໃຫ້ກາຍເປັນຜູ້ທີ່ມີ ສາມ ຮ ນັ້ນຄື: ຮຽນເລີດŒຮູ້ດີŒເຮັດເດັ່ນ.

ແຜນງານສະເພາະໜ້າ ແມ່ນຈະເປີດສອນຫຼັກສູດປະລິນຍາໂທ ຝຶກອົບຮົມວິຊາຄູ ແລະ ຍົກລະດັບວິຊາສະເພາະຂອງຄູ ປີລະ 1-2 ຄັ້ງ ສ້າງແຜນຮອງຮັບນັກຮຽນຊັ້ນ ມ7.

ເຂົ້າຮ່ວມໂຄງການສຶກສາທຳມະ ແລະ ສ້າງກິດຈະກຳເຄື່ອນໄຫວນອກຫຼັກສູດ ສິລະປະ ກີລາ ຫັດຖະກຳ ແລະ ອື່ນໆ.

ຈັດຕັ້ງຮ່ຳຮຽນ ແລະ ເຜີຍແຜ່ເອກະສານການເມືອງ ມະຕິຄຳສັ່ງດຳລັດ ແຈ້ງການ ແລະ ຂໍ້ຕົກລົງ ໃຫ້ພະນັກງານŒຄູ-ອາຈານ ຮັບຮູ້ ເຂົ້າໃຈ ເຊື່ອມຊຶມຕໍ່ແນວທາງນະໂຍບາຍຂອງພັກ-ລັດຖະບານ.

ສ້າງຂະບວນການຮຽນ-ການສອນ ແບບມີການແຂ່ງຂັນ ຮ່ວມມືກັບສະຖາບັນການສຶກສາອື່ນ ເພື່ອແລກປ່ຽນບົດຮຽນ ແລະ ສ້າງກິດຈະກຳຮ່ວມກັນ.

ຍົກຄຸນນະພາບ ຂອງພະນັກງານບໍລິຫານໃຫ້ສູງຂຶ້ນ ແລະ ສ້າງອາຈານທີ່ມີລະດັບການສຶກສາ ຊັ້ນປະລິນຍາໂທ ແລະ ເອກ ເພີ່ມຂຶ້ນ ທັງນີ້ກໍເພື່ອຍົກປະສິດທິພາບ ດ້ານການຮຽນ-ການສອນ ໃຫ້ຫຍັບເຂົ້າໃກ້ມາດຕະຖານສາກົນ ເທື່ອລະກ້າວ.

ພົວພັນຮ່ວມມືທາງດ້ານວິຊາການ ແລກປ່ຽນບົດຮຽນກັບວິທະຍາໄລ ແລະ ມະຫາວິທະຍາໄລທັງພາຍໃນ ແລະ ຕ່າງປະເທດ ໃຫ້ກ້ວາງອອກກ່ວາເກົ່າ.

- ປັບປຸງ ແລະ ພັດທະນາລະບົບຂໍ້ມູນຂ່າວສານ ໃຫ້ທັນສະໄໝຂຶ້ນ.

- ຍົກລະດັບຂອງວິທະຍາໄລ ໃຫ້ເປັນມະຫາວິທະຍາໄລ.

- ປັງປຸບ ພັດທະນາຫຼັກສູດການຮຽນ-ການສອນ ໃຫ້ແທດເໜາະກັບສະພາບຕົວຈິງ.

ພັດທະນາການຈັດການຮຽນ-ການສອນ ແລະ ສອບເສັງ ໃຫ້ມີລັກສະນະບູລະນະການ ດ້ວຍຫຼາຍຮູບແບບ ເພື່ອສ້າງນັກສຶກສາ ນັກວິຊາການ ໃຫ້ມີຄຸນນະພາບ ສາມາດຕອບສະໜອງ ຄວາມຮຽກຮ້ອງຕ້ອງການ ແທດເໝາະກັບສະພາບການ ຂະຫຍາຍຕົວຂອງສັງຄົມ ພວກເຮົາກໍໄດ້ຈັດໃຫ້ມີການສຳມະນາ ປາຖະກະຖາ ພົບປະແລກປ່ຽນ ທັດສະນະສຶກສາຕາມເງື່ອນໄຂ.

- ສ້າງຫ້ອງຮຽນພາສາອັງກິດ ແລະ ພາສາຫວຽດນາມ.

- ຈັດຮູບແບບການສອບເສັງ ເປັນລາຍບຸກຄົນ ຫຼື ເປັນກຸ່ມ ຕາມຫົວຂໍ້ລາຍວິຊາ ແລ້ວນຳສະເໜີເອົາຄະແນນ.

- ປັບປຸງວິທີການສອນ ແລະ ການກວດກາປະເມີນຜົນ.

- ສ້າງລະບົບປະເມີນຜົນຫຼັກສູດ ໃຫ້ໄດ້ຄຸນນະພາບ ກ້າວໄປສູ່ມາດຕະຖານຂອງຊາດ ແລະ ສາກົນ.

- ກະກຽມເງື່ອນໄຂ ໃນການສ້າງໂຄງການຫຼັກສູດປະລິນຍາໂທ ໃຫ້ເປັນຂອງຕົນ ເອງຕາມຄວາມສາມາດຕົວຈິງ.

ຫຼັກສູດການຮຽນ-ການສອນ.

ວິທະຍາໄລ ສຸກສະຫວັດ ເປີດການຮຽນ-ການສອນ 3 ຂະແໜງ ຄື:

1. ຂະແໜງບໍລິຫານທຸລະກິດ ຊັ້ນສູງ ແລະ ປະລິນຍາຕຼີ.

2. ຂະແໜງພາສາອັງກິດ ສຳລັບການທ່ອງທ່ຽວ ແລະ ໂຮງແຮມ ປະລິນຍາຕຼີ.

3. ຂະແໜງການເງິນ-ການບັນຊີ (ຊັ້ນສູງ) ແລະ ໃນສົກຮຽນ 2010-2011 ຈະໄດ້ເປີດສອນຫຼັກສູດ ປະລິນຍາໂທ ຂະແໜງບໍລິຫານທຸລະກິດ.

ການເຄື່ອນໄຫວຈັດຕັ້ງການຮຽນ-ການສອນ ໄລຍະຜ່ານມາ ທາງວິທະຍາໄລສຸກສະຫວັດ ນັບແຕ່ມື້ໄດ້ຮັບອະນຸຍາດສ້າງຕັ້ງ ມາເຖິງປັດຈຸບັນ ໄດ້ເຄື່ອນໄຫວເປີດການຮຽນ-ການສອນມາແລ້ວ 6 ລຸ້ນ ແຕ່ສຳລັບສົກຮຽນ 2007-08 ມາເຖິງ 2009-2010 ມີນັກສຶກສາທີ່ສຳເລັດການສຶກສາທັງໝົດ 650 ຄົນ ຍິງ 271 ຄົນ.
Back to top Go down
View user profile
 
ວິທະຍາ ໄລສຸກສະຫວັດ ກັບການພັດທະນາຊັບພະຍາກອນມະນຸດ
View previous topic View next topic Back to top 
Page 1 of 1

Permissions in this forum:You cannot reply to topics in this forum
ປາກເຊຄລັບ :: ສົນທະນາລວມ :: ຂ່າວພາຍໃນປະເທດ ແລະ ຕ່າງປະເທດ-
Jump to:  
Free forum | © phpBB | Free forum support | Contact | Report an abuse | Free blog